REVISTA NORDÉS

 Xa está dispoñible a revista Nordés. A ver se vos gusta !

Nordés 2023

Publish at Calameo

DÍA DO LIBRO

 Hoxe, domingo 23 de abril,  celébrase o Día do Libro. No colexio realizamos diversas actividades ao longo da semana para conmemoralo. Unha das que máis gustan ao alumnado e que repetimos cada curso son os apadriñamentos lectores. Os nenos e nenas maiores lenlles contos aos máis pequenos, converténdose así nos seus padriños lectores e madriñas lectoras.  

O venres 21 houbo unha sesión de contacontos a cargo do Grupo de Participación Adolescente do Concello de Burela. Estivo dirixida ao alumnado de Educación Infantil, que puido gozar coas aventuras do Oso Atrapabolboretas. Moitas grazas!

Igualmente,  agradecemos a colaboración ás persoas da comunidade educativa que, procedentes de diferentes países,  nos aproximaron ás súas tradicións culturais mediante unhas charlas nas aulas de Primaria. Senegal, Marrocos, Colombia, Cabo Verde e Perú foron os protagonistas .

DÍA DE ROSALÍA DE CASTRO

O día 23 de febreiro celébrase o Día de Rosalía de Castro. No cole festexámolo o venres 24 dun xeito moi especial, pois realizamos unha actividade conxunta co CEIP Plurilingüe Vista Alegre. O alumnado de 5º e 6º de Primaria de ámbolos dous centros preparou a canción "No bico un cantar", o poema que Curros Enríquez lle dedicou a Rosalía no seu pasamento. Está musicado por Uxía e aparece no libro "Rosalía Pequeniña".

No  acto, que tivo lugar no pavillón, fíxose unha lectura sobre a vida e obra da autora e recitáronse algúns dos seus poemas máis representativos. A continuación o alumnado de 5º e 6º dos dous colexios interpretou  o tema "No bico un cantar" e para rematar tódolos presentes participamos cantando e xesticulando o poema "O moucho", con música de Migallas.  Podedes velo premendo na seguinte ligazón.

https://photos.app.goo.gl/7UxDV4v5GqYvbjtf7

 

ENTROIDO 2023

Despois de cumprir durante toda a semana os mandados da Meca, chegou o día do desfile. O venres 17 saímos á rúa disfrazados, representando diferentes emocións:

• 6º de Primaria:  medo (monstros)
• 5º de Primaria: alegría (pallasos)
• 4º de Primaria: calma (arcos da vella)
• 3º de Primaria: sorpresa (agasallos)
• 2º de Primaria: susto (zombis)
• 1º de Primaria: euforia (futbolistas e corredores)
• 6º de Infantil: amor (corazóns) 
• 5º de Infantil: admiración (superheroes)
• 4º de Infantil: tódalas emocións anteriores (emoticonos).

Cando voltamos ao colexio reunímonos no pavillón e máis tarde degustamos nas aulas as sobremesas típicas do Entroido aportadas polas familias. Moitas grazas pola colaboración. 

                                        

MANDADOS DA MECA

Ide preparando todo o que precisedes para cumprir os mandados da Meca do día 13 ao 17.

DÍA DA PAZ 2023

Esta semana celebramos o Día Escolar da non Violencia e da Paz con diversas actividades. Unha delas foi a investigación sobre o labor de distintas persoas e organizacións que recibiron o Premio Nobel da Paz. Os traballos do alumnado plasmáronse en carteis que se expuxeron nos corredores do centro.

Os nenos e nenas de Educación Infantil bailaron a canción  "Don Melitón" do grupo Malvela.

                                        

En Educación Primaria o alumnado de diferentes niveis combinou os seus esforzos para compoñer quebracabezas e realizar un mural.

NADAL 2022

Despois dunhas semanas de ilusión pola proximidade  do Nadal, por fin chegan as vacacións. Queremos compartir con toda a comunidade educativa uns vídeos para felicitarvos as festas. Agradecémoslle ao Apalpador a súa visita e os agasallos que nos deixou. Bo Nadal e feliz aninovo!!!

Alumnado de Primaria

 

Alumnado de Infantil

Visita do Apalpador