DÍA DAS LETRAS GALEGAS

Feliz Día das Letras Galegas!. Este ano dedicámoslle esta festa a Florencio Delgado Gurriarán, que tanto fixo pola nosa lingua e pola nosa cultura.

No CEIP Virxe do Carme celebrámolo o venres pasado, coa participación de todo o alumnado e profesorado. Ademais de salientar a vida e obra do autor homenaxeado a ritmo de regueifa e de "Bella Ciao", asistimos á entrega dos premios do VIII concurso "Deseña a túa portada", que recaeron en Adrián Piqueras Valle (5º EP) e Adrianna García Kozlik (5º EI).

A parte que máis disfrutamos foi a danza "Indo eu a camiño de Viseu", na que tivemos que facer un bo exercicio de coordinación, xa que participamos conxuntamente tódolos nenos, nenas e profes.

Rematamos cantando o Himno Galego.

 

FACENDO CAMIÑO NO “VIRXE DO CARME”

 

Remata un curso que comezamos en setembro con incertidume e preocupación, mais tamén coas maletas cheas de ilusión e cunha enorme vontade por nos reencontrar de novo nas aulas. Pouco a pouco fomos facendo camiño e semana tras semana fomos resistindo e mantendo a nosa presenza no centro, grazas á colaboración de toda a comunidade escolar, que en todo o momento mantivo unha actitude exemplar e un grande sentido da responsabilidade.

 

Aínda que neste curso a educación musical estivo profundamente condicionada polas medidas anti-COVID, a nova normalidade evidenciou a importancia da música como elemento motivador e dinamizador da vida escolar. Por este motivo queremos compartir con todos e todas esta versión de Fago o camiño,  tema que podedes atopar no libro-disco O Veleiro Verde de Maria Fumaça.

 

Pensamos que esta canción transmite a ilusión e o entusiasmo co que vivimos a volta ás aulas e a necesidade de saír de novo aos patios e ás rúas para xogar á bola, á billarda, á chave, ao trompo ou coller as bicis para “facer camiño”.

 

Moitas grazas e agardamos que vos guste. Vémonos o próximo cursopara seguirmos facendo camiño!

 LETRAS GALEGAS 2021

Os profes de música do cole, Roberto e Ana fixeron esta peza orixinal cos nenos e nenas de 4º, 5º e 6º.

Tamén fixemos uns Dígocho eu! Agardamos, gostedes con eles.

Educación Infantil

1º  e  2º 

3º  e  4º 

5º  e  6º

FELIZ DÍA DAS LETRAS GALEGAS 2020

A PALABRA MÁIS FERMOSA

Ola chic@s aquí vos deixamos un vídeo con todas as palabras que nos enviastes durante a semana das letras galegas.

Agardamos vos guste o resultado.

PRIMEIRA ÓPERA EN GALEGO

Tivemos que esperar ata o s.XXI para poder desfrutar dunha ópera en galego.

"A amnesia de Clío" estrenouse o 10 de novembro no Auditorio de Galicia en Santiago de Compostela. 
Está composta por Fernando Buíde e escrita polo dramaturgo Fernando Epelde, conta con Marta Pazos como directora escénica e con Paul Daniel na dirección musical. 
Está realizada pola compañía Voadora en coprodución co Consorcio da Música de Santiago, a través da Real Filharmonía de Galicia, a Axencia Galega de Industrias Culturais (AGADIC) e o Centro Dramático Galego, ademais da Asociación de Amigos da Ópera de Santiago.

Na véspera do Día das Letras, a G2 estrea, en primicia en televisión ás 23.00 horas esta ópera
Ademáis teremos a posibilidade de ver un segundo pase  na TVG ao día seguinte, tamén en horario de noite.

BINGO DAS LETRAS GALEGAS

Ola chic@s, para que pasedes un fin de semana entretidos cas Letras Galegas aquí vos deixamos un "Bingo" para xogar en familia.

É un bingo no que se fala de diferentes  homenaxeados neste día.

Está deseñado de forma que se poida empregar ben unha ruleta co número de homenaxeados, ben unha ruleta cos nomes.

Na seguinte ligazón podedes atopar:

https://drive.google.com/folderview?id=1ez3uQbHCMsyIqCHyaZaV6nlTzoPAQZT_&fbclid=IwAR3FTfVTd19MlA9njYqkVC-SQWtbl8wpHbQcaI6kkeMUkxMM5cyf7T2JYsU

- Guía dos homenaxeados co seu número correspondente.

- PDF con tódolos cartóns.

- Cartafol cos cartóns individuais.

- PDF con tarxetas de preguntas que elaboraron as profes e os alumnos do noso centro. A nosa proposta é que aquel que complete liña ou cartón, elixa a un compañeiro para facerlle unha destas preguntas.

Esperamos que o disfrutedes!

AS PITAS BAIXO A CHOIVA

Premendo na imaxe podedes acceder de balde a este fantástico conto de Ricardo Carballo.

PROPOSTA DE TRABALLO PARA CELEBRAR O DÍA DAS LETRAS GALEGAS.

No noso colexio para celebrar este día tan sinalado no calendario escolar propoñémos a todo alumnado e as súas familias a seguinte actividade: "A miña palabra preferida".
Pinchade nas imaxes para acceder a explicación da actividade.

Adiante falimias, esperamos as vosas aportacións !!

RICARDO CARBALLO CALERO

Aquí vos deixamos un enlece a Calaméo onde poderedes consultar,  dunha máis visual,  a biografía deste autor homenaxeado nas Letras Galegas deste 2020.

Agardamos gostedes.

MES DAS LETRAS GALEGAS

O mes de maio está ligado á celebración das letras galegas e este ano no vai ser menos.
Neste 2020 este día está dedicado a Ricardo Carvalho Calero.

Preme  para acceder a súa vida e obra.

VÍDEOS DO FESTIVAL DAS LETRAS GALEGAS

LETRAS GALEGAS 2019

Este ano, o Día das Letras Galegas estivo dedicado a Antonio Fraguas. Nós celebrámolo  con algo de retraso, pero non por iso con menos entusiasmo. Houbo actuacións moi variadas que esperamos fosen do gusto de todo o público. Aquí vos deixamos un resume.

FESTIVAL DAS LETRAS GALEGAS 2019

LETRAS GALEGAS

O día 16 de maio homenaxeamos a María Victoria Moreno cun festival na Casa da Cultura de Burela. Actuaron tódolos nenos e nenas, tanto de Infantil coma de Primaria e as familias puideron asistir como público. Puxéronse en escena dúas divertidas obras de teatro: "Ai mamasiña, que medo!" e "A outra historia de Carapuchiña Vermella", que mantiveron atentos mesmo aos máis pequenos. Non faltou a música, con bailes de diferentes temas en galego e a interpretación de cancións con letra de poemas de Manuel María. Por suposto, houbo un recordo especial á autora, salientando a súa obra. Rematamos coa interpretación do Himno do CEIP Virxe do Carme e o Himno Galego. 

LETRAS GALEGAS 2018